யாழ்ப்பாணம் போதனா வைத்தியசாலை இலங்கையின் வடக்கே யாழ்ப்பாண நகரில் உள்ள ஒரு அரசு மருத்துவமனையாகும். இது வடக்கு மாகாணத்தின் முன்னணி மருத்துவமனையாகவும், கொழும்பில் மத்திய அரசால் கட்டுப்படுத்தப்படும், மாகாணத்தின் ஒரே மருத்துவமனையாகவும் உள்ளது. இந்த மருத்துவமனை வடக்கு மாகாணத்தில் உள்ள ஒரே போதனா மருத்துவமனையாகும். யாழ்ப்பாணப் பல்கலைக்கழக மருத்துவ பீடத்திற்கான பிரதான மருத்துவ கற்பித்தல் வசதி இந்த மருத்துனையில் உள்ளது. 2010 நிலவரப்படி இது 1,228 படுக்கைகளைக் கொண்டிருந்தது.